Буласаҡ медиапартнерҙарға

2020 йылда үткәреләсәк ҙур сара — Бөтә Рәсәй халыҡ иҫәбен алыу (БРХИ — 2020) илебеҙҙең һәр бер кешеһенә ҡағыласаҡ. Уға әҙерлек 2018 йылда уҡ башланды. 2019 йылдың 1 октябрендә халыҡ араһында мәғлүмәт-аңлатыу эшен йәйелдереү тураһында рәсми иғлан ителде. Һәр кешегә киләһе йылда үтәсәк халыҡ иҫәбен алыуҙың үҙенсәлектәрен белеү мөһим. Әйтәйек, 2020 йылда әлегәсә ҡулланылған традицион ысулдарҙан тыш халыҡ иҫәбен алыу тәүге тапҡыр интернет ярҙамында ойоштороласаҡ, һәр теләгән кеше һорауҙарға яуапты “Дәүләт хеҙмәте күрһәтеү” порталында тултыра аласаҡ.

Социаль селтәрҙәр аша тиҙ һәм еңел аралашыу мөмкинлеген файҙаланып, әүҙем фекерҙәштәр ярҙамында беҙ республика халҡына БРХИ — 2020 тураһында мәғлүмәт бирергә ниәтләйбеҙ. Ошо маҡсаттан сығып, 2020 йылғы Бөтә Рәсәй халыҡ иҫәбен алыу эштәре тамамланғанға тиклем, мәғлүмәти партнёрҙар булырға тәҡдим итәбеҙ. Һеҙгә беҙҙең рәсми биттә (https://vk.com/bashstat_gks_ru) теркәлеүҙе, беҙҙең яңылыҡтар менән дуҫтарығыҙҙы, яҡындарығыҙҙы таныштырып барыу өсөн иҫкәрмәне (уведомление) ҡуйыуҙы һорайбыҙ. Халыҡ иҫәбен алыуға ҡағылышлы көнүҙәк хәбәрҙәр һәм яңылыҡтарҙы таратыу уңайлы булһын өсөн яҙылыу https://vk.com/app5748831_-172759287 буйынса мөмкин.

Беҙҙең яңылыҡтарҙы күсереп алып файҙаланғанда (репост) һәм үҙегеҙҙең халыҡ иҫәбен алыу темаһына арналған хәбәрҙәрегеҙҙә ошо хештегтарҙы ҡулланырға тәҡдим итәбеҙ: #переписьнаселения #ВПН2020 #перепис #ВПН2020.

Хәтерегеҙгә төшөрәбеҙ, Бөтә Рәсәй халыҡ иҫәбен алыу 2020 йылдың 1 октябренән 31 октябренә тиклем үткәреләсәк.

Башкортостанстат