31 октябрь — Бөтә Рәсәй һаҡсыллыҡ көнө

2014 йылдан алып Рәсәй Финанс министрлығының «Илдә халыҡтың финанс буйынса грамоталылығын яҡшыртыуға һәм финанс ғилемен үҫтереүгә булышлыҡ итеү» проекты сиктәрендә көҙгөһөн өлкәндәр өсөн Бөтә Рәсәй һаҡсыллыҡ аҙналығы һәм яҙғыһын бәләкәстәргә финанс грамоталылығы аҙнаһы уҙғарыла. Проект тормошҡа ашырыла башлағаны бирле сараларҙа 10 миллиондан ашыу граждан ҡатнашты.

Аҙналыҡтың төп маҡсаты — финанс грамоталылығы мәсьәләләренә халыҡты күпләп йәлеп итеү, ошо рәүешле кешеләр араһында мәғлүмәт биреү саралары ойоштороу. Бөтә Рәсәй һаҡсыллыҡ аҙналығы быйыл 31 октябрҙә старт аласаҡ. Уның сиктәрендә өлкәндәр өсөн төрлө лекциялар, практикумдар, әйҙәүсе спикерҙарҙан вебинарҙар тәҡдим ителә. Сарала ҡатнашыусыларға онлайн белгестәргә үҙҙәрен ҡыҙыҡһындырған һорауҙарҙы бирергә, финанс йүнәлешендәге онлайн курстарҙа белем өҫтәргә мөмкин.

Бөтә саралар бушлай һәм йөкмәткеһе буйынса эксперт баһалары үткән.