Пенсия фондында ҡабул итеүҙәр уҙҙы

Рәсәй Федерацияһы Президентының Башҡортостан Республикаһындағы ҡабул итеүҙәр бүлмәһендә БР буйынса Пенсия фонды идарасыһы Фоат Хантимеров, раҫланған графикка ярашлы граждандарҙы ҡабул итте. Билдәләнгән ваҡыт арауығында республика территорияһында йәшәүсе 13 кеше мөрәжәғәт итте. Һорауҙар страховка пенсияһын арттырыу, ауыл хужалығында эшләгән өсөн страховка пенсияларына тәғәйен өҫтәмәне күтәреү страховка стажын иҫәпләү һәм раҫлау, 80 йәш тулғандан һуң пенсияны өҫтәү, 80 йәшлек оло кешене ҡарағанға түләүҙәр билдәләү һәм башҡаларға ҡағылды. Бынан тыш, граждандарға электрон сервис менән файҙаланыу мөмкинлектәре тураһында мәғлүмәт бирелде.

БР буйынса Пенсия фонды идарасыһы һәм белгестәре тарафынан граждандарҙы ҡабул итеүҙәр графикка ярашлы даими уҙғарыла. Киләһе ҡабул итеүҙәр тураһында киң мәғлүмәт сараларында алдан уҡ иғлан баҫыласаҡ.

Республика халҡы үҙҙәрен борсоған һорауҙарҙы һәр саҡ бирә ала, бының өсөн Пенсия фонды идаралығына йәки бүлектәренә шәхсән килергә, “ҡыҙыу бәйләнеш” телефонына шылтыратырға йәиһә интернет аша мөрәжәғәт итергә мөмкин.