Бөтә участкалар ҙа эш башланы

Районда иртәнге сәғәт 7.00-лә Башҡортостан Республикаһы Башлығын һәм урындағы үҙидараның вәкәләт органдарына депутаттар һайлау башланды. Тауыш биреү өсөн барлыҡ участкалар ҙа асылды. Һайлаусыларҙы 33 стационар һайлау участкаһында һәм һайлаусылар ваҡытлыса булған 1 участкала (Максим Горький ауылындағы ҡарттар йорто бинаһында) көтәләр.

Участка комиссиялары һәм тауыш биреү өсөн биналар, нигеҙҙә, мәғариф һәм мәҙәниәт учреждениеларында урынлашҡан.

Бөгөн, 8 сентябрҙә, дәүләт башлығы вазифаһы өсөн Кобзев Владимир Юрьевич (“Пенсионарҙар социаль ғәҙеллек өсөн Рәсәй партияһы”), Хәбиров Радий Фәрит улы (“Берҙәм Рәсәй”), Сухарев Иван Константинович (ЛДПР), Игнатьев Юрий Викторович (“Ғәҙел Рәсәй”), Ҡотлоғужин Юнир Ғәлимйән улы (КПРФ), Ҡадыров Рәфис Фәиз улы (“Рәсәй патриоттары”), Ғайсина Зөлфиә Риф ҡыҙы (“Яблоко”), Барабаш Владимир Валериевич (“Граждандар көсө”) көрәшә.