Һайлауға етди ҡарайҙар

869-сы Абҙан һайлау участкаһында ла эш штат режимында бара. Комиссия рәйесе Л.М.Хәсәнова хәбәр итеүенсә, бында бөтәһе 839 кеше теркәлгән. Иртәндән халыҡ ағымы дауам итә. Тәүге тауыш биреүсе 7.30—ҙа гражданлыҡ бурысын үтәгән һәм ике сәғәт арауығында уларҙың һаны 70-кә еткән. Әлеге мәлдә дөйөм һандың 30 проценты тауыш биргән дә инде. “Ололар ҙа, йәштәр ҙә һайлауҙарға етди ҡарай. 18 йәшен тултырғандар ҙа байтаҡ ҡына, уларҙың 7-әүһе гражданлыҡ бурысын үтәне”, — тине Лилиә Мирйән ҡыҙы.