Яңы мөмкинлектәр

”Демография” милли проекты ҡуйған бурыстарға ярашлы, өлкән быуын вәкилдәренең мәшғүллеген тәьмин итеү, уларға яңы мөмкинлектәр тыуҙырыу йәһәтенән республикала төрлө яҡлы эш алып барыла.

Мәҫәлән, Башҡорт дәүләт университетының Стәрлетамаҡ филиалында июль башынан үҙенсәлекле курстар ғәмәлгә индерелде: пенсия йәшенә етеп килгәндәр өсөн Ворлдкиллс халыҡ-ара стандарттары буйынса өҫтәмә һөнәри белем биреү программаһы тормошҡа ашырыла башланы.

Был эш “Демография” милли проектының “Өлкән быуын” федераль проекты сиктәрендә ойошторолдо. Уҡыуҙар бушлай уҙғарыла. “Өҫтәмә һөнәри белем өлкән йәштәгеләргә яңы мөмкинлектәр асасаҡ, уларҙың мәшғүллеген тәьмин итәсәк. Был һәр йәһәттән отошло, тәү сиратта йән һәм тән сәләмәтлеге өсөн”, – ти ойоштороусылар.