Ихаталар яңыртыла

2019 – 2024 йылдарға иҫәпләнгән “Башҡорт ихаталары” программаһы күп фатирлы йорттарҙа йәшәгән граждандарҙың тормош шарттарын яҡшыртыу, яндағы биләмәлә уңайлы мөхит булдырыу маҡсатын күҙ уңында тота. Проект буйынса ихаталарҙа асфальт ҡатламын яңыртыу, контейнерҙар һәм балаларға уйын майҙансыҡтары, парковка урындары булдырыу, яҡтыртыу ҡорамалдары ҡуйыу, йәшелләндереү ҡаралған.

Ошо программа сиктәрендә районыбыҙ үҙәгендә лә ихата майҙансыҡтарын комплекслы төҙөкләндереү бара. Күптән түгел Архангел ауылының Совет урамында урынлашҡан 50-се һәм 54-се, Лазо урамындағы 4-се күп фатирлы йорттар ихаталарында ремонт эштәре башҡарылды.