Инйәр
-5 °С
Болотло
75 лет Победы
Бөтә яңылыҡтар
Төрлөһөнән...
29 Апрель 2019, 18:35

Тамашасыны әсир итеп

Башҡортостан Республикаһының 100 йыллығына бағышланған “Башҡортостан тарихы биттәрендә район йылъяҙмаһы” тип исемләнгән район фестиваль-марафоны дауам итә. Районыбыҙҙың ойошма, учреждение, предприятиеләре араһында ул юғары кимәлдә һәм ойошҡанлы үтә. 1-се Архангел мәктәбе директоры Мансур Ғәбитов сираттағы сығыш яһаусыларға уңыштар теләп, марафон штандартын үҙәк район дауханаһының баш табибы Әлиә Әҙиәтоваға тапшырҙы. Әлиә Ғиҙҙәт ҡыҙы сара символын ҡабул итеп, залдағыларҙы ҡайнар сәләмләне һәм матур ял теләне.
Үҙенсәлекле тамаша менән башланған концерт тарихи үткәндәрҙе иҫкә төшөрөп, ауыр замандағы кеше яҙмыштары хаҡында уйландырып алды. Театр йылында ошондай театрлаштырылған күренештәргә халыҡтың һыуһағанлығы алҡыштарҙан уҡ һиҙелде.
Артабан сағыу һәм береһенән-береһе хайран ҡалырлыҡ номерҙар жюри һәм халыҡ иғтибарына тәҡдим ителде. Медицина учреждениеһы хеҙмәткәрҙәре үҙҙәрен, ысынлап та, сәхнә йондоҙҙары итеп танытты! Гөлнур Юлъяҡшина Р.Баязитованың “Башҡортостан” шиғырын тамашасы йөрәгенә үтеп инерлек итеп яңғыратты. Наталья Сизоненко Башҡортостанға һөйөүен Хәниф Кәрим шиғыры аша әйтеп бирҙе. “Умырзая” бейеү коллективының “Шаян еңгәйҙәр”е, “Забава”ның яҙғы хороводы, Әлиә Әҙиәтованың өҙҙөрөп “Кәкүк” бейеүе, “Ивушка” вокаль төркөмөнөң казак хоры, Илнур Ғабдуллин, Ришат Базанов, Гөләйҙә Кәримова, Надежда Рябчук, Ольга Антипинаның моңло, дәртле һәм хисле башҡорт, татар, рус телдәрендәге йырҙарына халыҡ кинәнеп ҡул сапты.
Интерактив таҡтала бирелгән төплө мәғлүмәт тә иғтибар үҙәгендә булды. Архангел районы үҫеше, тәүге табиптар, дауахана, стационар төҙөлөшө, арҙаҡлы шәхестәргә ҡағылышлы материалдар республикабыҙ тарихының бер өлөшө. Ғөмүмән, тамашасыларҙы әсир итеп, йөкмәткеле һәм бер тынала үткән фестиваль йән дауаһылай булды һәм дөйөм хорҙың Башҡортостаыбыҙҙы данлауы менән йомғаҡланды.
Миләүшә Бәширова.
Читайте нас в