Инйәр
-18 °С
Болотло
75 лет Победы
Бөтә яңылыҡтар
Төрлөһөнән...
26 Апрель 2019, 12:04

Янғындар һаны арта, һаҡ булайыҡ!

Ут менән ҡулланғанда янғын хәүефһеҙлеге ҡағиҙәләрен үтәмәү бәхетһеҙ осраҡтарға килтерә. Үткән аҙнала ғына республика буйынса 800-ҙән артыҡ янғын сыға. Ҡыҙғанысҡа күрә, районда ла был һандар һаны арта. 18 апрель 63-сө янғын һүндереү часының дежур-диспетчер хеҙмәтенә Архангел ауылының Салауат Юлаев урамында 0,2 гектар майҙанда кипкән үлән яныуы турһында, шулай уҡ Совет урамында ла ут сығыуы хаҡында хәбәр килә. Тәүгеһендә йорт хужалары матди зыян күрмәһә, икенсеһендә граждандар 80 мең һумлыҡ зыян күрә, 300 мең һумлыҡ матди байлыҡ һаҡланып ҡала.
Ял көндәрендә “ҡыҙыл әтәс”тең һаны тағы ла артты. Атап әйткәндә, Победа ауылы эргәһендә – дүрт, Яңы Устиновка ауылында 0,15 гектар майҙанда ҡый үләне яна, шулай уҡ ут Баҡалды ауылында ла сыға. Уның һөҙөмтәһендә йорт хужалары 60 мең һумлыҡ зыян күрә.
Ағымдағы аҙнала ла ҡый үләндәренең яныуы туҡтамай. Билдәһеҙ кеше тарафынан Приуралье һәм Бәйес ауылдары (ике тапҡыр) эргәһендә ут сыға. Уларҙың дөйөм майҙаны ете гектарға тиклем барып етә.
Александр Антипин,
райондың граждандар оборонаһы һәм ғәҙәттән тыш хәлдәр буйынса баш белгесе.
Читайте нас в