Берҙәм эшкә ни етә

Үткән шәмбе районда сираттағы өмәләр уҙҙы. Берҙәм саранан береһе лә ситтә ҡалманы. Ойошма һәм предприятие хеҙмәткәрҙәре, ауыл халҡы, шулай уҡ балалар ҙа тыуған еребеҙҙе йәмләндереүҙә үҙ өлөшөн индерҙе. Архангелдәге социаль объекттарҙа, шулай юл буйҙарында ағас ултыртыу акцияһы ла ойошторолдо. “Архангел” стеллаһынан “Гранд” кафеһына тиклем Башҡортостандың 100 йыллығы уңайынан ылыҫлы ағастарҙан “100 лет Башкортостану” исемле яҙыу барлыҡҡа килде.

Өмәләр артабан да аҙна һайын үткәреләсәк. Йәшәгән еренең таҙалығына битараф булмағандарҙы санитар-таҙартыу өмәләрендә әүҙем ҡатнашырға саҡырабыҙ, сөнки таҙалыҡ үҙебеҙҙән башлана!