Нимә ул дәүләт хеҙмәттәре порталы

“РФ дәүләт хеҙмәттәре порталы” — интернет – портал ярҙамында белешмә – мәғлүмәт алыу. Физик һәм юридик шәхестәргә Рәсәйҙә дәүләт һәм муниципаль хеҙмәттәр күрһәтеү, контроль һәм күҙәтеү буйынса дәүләт функцияһы, ошо процеста ҡатнашыусы учреждениелар, ойошмалар тураһындағы мәғлүмәт , шулай уҡ уларҙың электрон ысулы менән файҙаланыу мөмкинлеге бирелә. Ябайлаштырып әйткәндә, был портал аша мөһим булған теләһә ниндәй юридик белешмә алына. Бынан тыш, ошонда уҡ ниндәйҙер хеҙмәткә (мәҫәлән, сит ил паспортын эшләтеүгә, ҡорал йөрөтөүгә рөхсәт һорап, хөкөм ителеү йәки енәйәти эҙәрлекләү һәм башҡа белешмәләргә) ғариза бирергә мөмкин. Йәғни, һеҙ күп кенә эштәрҙе өйҙән сыҡмайынса башҡара алаһығыҙ. Бының өсөн сиратта торорға, ҡайҙалыр барырға кәрәкмәй. Күрһәтелгән хеҙмәттәр тураһында һеҙҙең телефонға йәки электрон почтағыҙға белдереү киләсәк.

Дәүләт хеҙмәттәре күрһәтеү — әлеге мәлдә район полиция бүлегенең төп бурыстарының береһе. Улар хөкөм ителгәнлек (ителмәгәнлек) тураһында белешмә һорап йышыраҡ мөрәжәғәт итәләр. Был белешмәне алыр өсөн граждандарға урындағы полиция бүлегенә килергә мөмкин. Шулай уҡ 8 (34774) 2-19-66 телефонына шылтыратып ҡабул итеүгә алдан яҙылырға йәки дәүләт хеҙмәттәре ярҙамында заказ бирергә була.