“Асыштар алдында”

Туймазы ҡалаһында фән, техника һәм сәнғәт өлкәһендә һәләтле балаларҙы, студенттарҙы асыу, уларҙы артабан үҫтереү һәм күтәреү маҡсатынан “Асыштар алдында” тип аталған III Бөтә Рәсәй фәнни-тикшеренеү конференцияһы үтте.

Фәнни форумдың эшендә Башҡортостан, Силәбе өлкәһе, Татарстан мәктәптәре, урта һәм юғары махсус уҡыу йорттарынан 400-ҙән артыҡ уҡыусы һәм студент әүҙем ҡатнашты. Улар 26 йүнәлеш буйынса үҙҙәренең тикшеренеү проекттарын тәҡдим итте. Мәртәбәле сарала районыбыҙҙың данын 2-се Архангел мәктәбенең 10-сы класс уҡыусыһы Сәйғәфәров Динис (етәксеһе Н.Ю.Тимакова) яҡланы. Һәләтле яҡташыбыҙ “Математика” йүнәлешендә I Дәрәжә лауреаты исеменә лайыҡ булды.