Ташҡынға әҙерлек

БР Хөкүмәтендә Республика буйынса ташҡынға ҡаршы комиссия ултырышы уҙҙы. Унда БР Хөкүмәте Премьер-министры вазифаһын башҡарыусы Артур Әхмәтханов, БР буйынса Ғәҙәттән тыш хәлдәр министрлығының баш идаралығы начальнигы Марат Латыпов, уның урынбаҫары Илдар Сәйетгәрәев, район хакимиәттәре башлыҡтары ҡатнашты.

2019 йылда яҙғы ташҡынды имен-аман үткәреү, хәүефһеҙлек сараларын ойоштороу мәсьәләләрен хәл итеү – сараның төп маҡсаттарының береһе булды. Видеоконференция мәлендә район хакимиәте башлығы Александр Комзалов ташҡынға әҙерлек буйынса мәғлүмәт менән таныштырҙы. Уның һүҙҙәренсә, районда ташҡын осорона махсус бригадаларҙың һәм техниканың әҙер булыуы, һыу баҫыу янаған ауылдарҙа хәүефһеҙлек ҡағиҙәләре буйынса халыҡ менән әңгәмәләр ойошторолоуы хаҡында белдерҙе.