Түләүҙәр артасаҡ

2019 йылдың 1 июленән инвалид баланы йәки бәләкәйҙән I төркөм инвалиды гражданды ҡараған өсөн уның ата-әсәһенә (опекунына) түләүҙәр 550-ҙән 10000 һумғаса күтәреләсәк.

Башҡортостанда урал коэффициентын иҫәпкә алып пособие күләме 11500 һум тәшкил итәсәк. Рәсәй Пенсия фонды идаралығы ағзаһы, Башҡортостан буйынса идарасыһы Фоат Хантимеров белдереүенсә, ошондай айлыҡ түләүҙәрҙе республиканың 11488 кешеһе ала. Яңы күләмдәге пособиелар өсөн ғариза тапшырыу йәиһә идаралыҡҡа килеү мөһим түгел.

Айлыҡ түләүҙәр эшкә яраҡлы ата – әсәнең (уллыҡҡа алыусының) йәки опекундың береһенә һәр бала өсөн бөтә арауыҡҡа билдәләнә. Ҡарау осоро страховка стажына иҫәпләнә һәм һәр йыл һайын 1,8 пенсия балдары өҫтәлә. Был эшләмәгәндәргә пенсия хоҡуҡтарын формалаштырырға һәм пенсияның страховка өлөшөн алырға мөмкинлек бирә.

Инвалид баланы һәм бәләкәйҙән I төркөм инвалид булған гражданды тәрбиәләгән башҡа кеше өсөн дә пособиялар билдәләнә. Был осраҡта ул 1380 һум тәшкил итә.

Рәфис Мостафин,

райондағы Пенсия фонды идаралығы начальнигы.

Читайте нас

Редакция һайлауы