Хәҙер аҡса ағымы икенсе юлға төшә

Үҙенең Федераль Йыйылышҡа Мөрәжәғәтнамәһендә Рәсәй Президенты Владимир Путин ғаиләләргә дәүләт ярҙамын арттырыу тураһында ла аныҡ һәм эшлекле тәҡдимдәр менән сығыш яһаны, айырыуса күп балалы һәм инвалид бала тәрбиәләгән ғаиләләргә тәү сиратта ярҙам ителергә тейеш.

– Мөрәжәғәтнамәнен күренеүенсә, дәүләттең социаль йүнәлешле булыуына өҫтөнлөк бирелә. Беҙ бер нисә йыл илдең оборонаһын нығытыуға бик күп аҡса түктек һәм был эш ыңғай һөҙөмтәһен бирҙе, хәҙер дәүләтебеҙ етәксеһе аҡса ағымын социаль ихтыяждарға бүлеүҙе арттырырға тәҡдим итә, – тине публицист, Дөйөм Рәсәй халыҡ фронты вәкиле Шамил Вәлиев.