Өс протокол төҙөлдө

Районда 14 ғинуарҙан 15 февралгә тиклем “Ҡаргиҙәр” операцияһы ойошторолдо. Дәүләт инспекторҙары БР Тәбиғәттән файҙаланыу һәм экология министрлығы, район Эске эштәр бүлегенең ЮХХДИ хеҙмәткәрҙәре һәм райондың “БР һунарсылар һәм балыҡсылар ассоциацияһы” ағзалары менән берлектә үҙйөрөшлө машиналарҙың техник торошон, рулдәгеләрҙең тейешле документтарын тикшерҙе.

Тап ошо көндәрҙә райондың Дәүләт техник күҙәтеү инспекцияһы начальнигы С.А.Палтусов, райондың ЮХХДИ бүлеге начальнигы И.Т.Шәрифуллин Арх-Латыш һәм Ҡыҙыл Еҙем ауыл биләмәләренә рейдҡа сыҡты. Профилактик сара мәлендә башҡа техникаларҙың төҙөклөгө, тейешле документтар ҡаралды.

Сергей Александрович хәбәр итеүенсә, 11 февралгә ҡарата районда рейд осоронда 30 транспорт эйәһе туҡтатыла. Ҡағиҙә боҙоу осрағы йәһәтенән өс “ҡорос арғымаҡ” хужаһына административ протоколдар төҙөлә.

Альберт Рәхимов.