“Һанлы ТВ” – заман талабы

Шишмә районы Шишмә ауылында һанлы телевидениеға күсеү мәсьәләһе буйынса төбәк-ара кәңәшмә уҙҙы. Сарала БР Матбуғат һәм киң мәғлүмәт агентлығы, Халыҡҡа социаль ярҙам күрһәтеүсе республика үҙәге, “Спутник Телеком” акционерҙар ойошмаһы, Рәсәй телевидениеһы һәм радиотапшырыу селтәренең БР-ҙағы вәкилдәре, район, шулай уҡ ауыл биләмәләре хеҙмәткәрҙәре ҡатнашты.

Осрашыуҙа һанлы телевидениеға күсеү юлдары, федераль өҫтәмә түләү алған пенсионерҙарға һәм ай һайын балалар пособиеһына хоҡуҡлы аҙ тәьмин ителгән ғаиләләргә дәүләт ярҙамы тураһында мәғлүмәт еткерелде. Ошо ярҙамға дәғүә итеүсе граждандар ауыл хакимиәттәренә мөрәжәғәт итергә тейеш. Һанлы эфир тапшырыуына тоташыуға бәйле һорауҙар менән 8 (3474) 2-18-92, шулай уҡ “ҡыҙыу бәйләнеш” телефонына шылтыратырға мөмкин: 8-800-220-2002.

Алевтина Бочкарева,