Ваҡытында тапшырыу зарур

Гражданлыҡ хоҡуғы йүнәлешендәге килешеү нигеҙендә эш биреүселәр үткән йылда эшләгән үҙенең хеҙмәткәрҙәре тураһында Пенсия фондына йылдағыса 1 марттан һуңламай белешмәләр тапшырырға бурыслы. Иҫәп – хисап яһауҙың мөһимлеге шунда, уның буйынса граждандың пенсияға хоҡуғы формалаша һәм һуңынан башҡарыласаҡ түләүҙәр күләме билдәләнә.

Билдәләнгән арауыҡта иҫәп-хисап тапшырмаған йәки тулы булмаған, йә дөрөҫлөккә тап килмәгән мәғлүмәт биргән страховкалаусыларға 500 һум (һәр страховкаланған кеше иҫәбенә) күләмендә финанс санкцияһы ҡулланыласаҡ. Бынан тыш, персоналләштерелгән (шәхси) иҫәп тураһындағы ҡануниәт талаптарын боҙған өсөн вазифа биләүсе административ яуаплылыҡҡа тарттырыла.

Иҫәп-хисаптарҙы үҙ ваҡытында һәм хатаһыҙ тапшырыу маҡсатында әҙерлек һәм отчетты тикшереү программаларының һуңғы ысулдарын ҡулланыу зарур. Шулай уҡ үҙегеҙҙең иҫәп- хисаптарҙы ебәрерҙән алда “CheckPFR” программаһы ярҙамында тикшереү мөһим. Программалар Рәсәй Пенсия фонды сайтында www.pfrf.ru адресы буйынса (“Электрон сервистар” бүлегендә) урынлаштырылған.

Ошоға ҡағылышлы бөтә һорауҙар менән район Пенсия фонды идаралығына (адресы: Архангел ауылы, Совет урамы, 153-сө йорт, 1-се кабинет. Телефоны: 8(34774) 2-17-74) мөрәжәғәт итергә мөмкин.