Ошо көндәрҙә арҙаҡлы шәхестәргә бай төбәктәрҙең береһе – беҙҙең районға бағышланды. “Сәләм, республика” проектында яҡташыбыҙ, Башҡортостандың атҡаҙанған мәҙәниәт хеҙмәткәре Эльфира Сәйфуллина менән район Советы секретары Фәйез Йортомбаев ҡатнашты. Тура эфир
мәлендә студия ҡунаҡтары тарафынан, шулай уҡ төрлө ауылдарҙа йәшәүсе райондаштарыбыҙ “Арҙаҡлы яҡташтар” исеменә лайыҡ кешеләрҙе билдәләп уҙҙы. Улар араһында И.И.Пстыго, Э.С.Юлбарисов, Ф.И.Иҡсанов, В.Т.Шәрәфетдинова, Э.С.Ташбулатова, С.Х.Хәбиров, О.З.Ханов, Р.А.Галин, В.С.Шаһиева, М.М.Алсынбаев һәм башҡаларҙың исемдәре яңғыраны.