+12 °С
Облачно
Төрлөһөнән...
8 Февраля 2019, 12:54
Яҡташтар – беҙҙең ғорурлыҡ!
Күптән түгел БСТ каналының “Сәләм” тапшырыуында яңы проект үҙ эшен башланы. Һәр эш иртәһе республикабыҙҙың район һәм ҡалаларының тарихында яҡты эҙ ҡалдырған шәхестәр тураһында һүҙ алып барыла. Студияға төбәктең билдәле һәм хөрмәтле кешеләрен саҡырып йәнле әңгәмә үткәрелә.
Ошо көндәрҙә арҙаҡлы шәхестәргә бай төбәктәрҙең береһе – беҙҙең районға бағышланды. “Сәләм, республика” проектында яҡташыбыҙ, Башҡортостандың атҡаҙанған мәҙәниәт хеҙмәткәре Эльфира Сәйфуллина менән район Советы секретары Фәйез Йортомбаев ҡатнашты. Тура эфир
мәлендә студия ҡунаҡтары тарафынан, шулай уҡ төрлө ауылдарҙа йәшәүсе райондаштарыбыҙ “Арҙаҡлы яҡташтар” исеменә лайыҡ кешеләрҙе билдәләп уҙҙы. Улар араһында И.И.Пстыго, Э.С.Юлбарисов, Ф.И.Иҡсанов, В.Т.Шәрәфетдинова, Э.С.Ташбулатова, С.Х.Хәбиров, О.З.Ханов, Р.А.Галин, В.С.Шаһиева, М.М.Алсынбаев һәм башҡаларҙың исемдәре яңғыраны.
Альберт Рәхимов.
Редакция һайлауы
