Райондан – дүрт чемпион республика данын яҡлау хоҡуғына эйә

Өфө ҡалаһында ойошторолған ирекле көрәш буйынса республика беренселегендә Башҡортостандың төрлө төбәктәренән 150-нән артыҡ йәш спортсы үҙ-ара көс һынашты. Бәйгелә районыбыҙҙың “Импульс” балалар ижады һәм спорт үҙәгендә (тренерҙар И.Ә.Әхмәтйәнов, Н.З.Бәширов) тәрбиәләнеүсе үҫмерҙәр һәм ҡыҙҙар ҡатнашып, ярайһы уҡ уңыштарға өлгәште.

Дөйөм һөҙөмтәләр буйынса үҙ ауырлыҡ категорияларында Десяткина Гөлшат, Азимжонов Шодиерхон – өсөнсө, ә Гаричева Дарина икенсе урынды биләне. Шәрәфетдинов Алмас, Мөзипов Рөстәм, Шәрифуллин Радмир һәм Коробова Анна келәмдә барыһын да еңеп “алтын” миҙал яуланы. Улар иһә Волга буйы федераль округы беренселегендә республика данын яҡлау хоҡуғына эйә булды.