Мәғлүмәттәр еткерелде

Орловка ауыл биләмәһендә атҡараһы эштәр, хәл итәһе мәсьәләләр байтаҡ ҡына. Сүп-сар реформаһы буйынса халыҡ араһында аңлатыу эштәре алып барыу, мәғлүмәт биреү көн үҙәгендә тора. Бөгөн Орловка ауылында көнкүреш ҡалдыҡтарын йыйыу контейнерҙарын ҡуйыр өсөн ҡаты масса (бетон) менән ҡапланған майҙансыҡ әҙерләнде, ошондай уҡ махсус урындар Аҡкүл, Карташевка, Николаевка ауылдарында ла булдырыласаҡ.

Үткән граждандар йыйылышында “Еләҫ ел” ЯСЙ-һы директоры Рафаэль Харисов сүп-сар реформаһы тураһында тағы бер тапҡыр ентекле һөйләне, һорауҙарға яуап ҡайтарҙы. Ауырғазы район-ара янғын күҙәтеү бүлегенең өлкән инспекторы Евгений Рыжиков сығышында янғын хәүефһеҙлеге мәсьәләһен яҡтыртты. Шулай уҡ ветеринария буйынса мал сирҙәре, уларҙы киҫәтеү һәм дауалау ысулдары хаҡында халыҡ менән аныҡ һөйләшеү булды.