“Ватандың лайыҡлы улдары”

Районда 14 февраль Афғанстандан совет ғәскәрҙәрен сығарыуҙың 30 йыллығы билдәләнәсәк. Ошо йәһәттән райондың йәштәр эше, физик культура һәм спорт комитетына, “Йәйғор” балалар һәм үҫмерҙәр клубына, мәҙәниәт бүлегенә “Йәшел береттар” исемле концерт сараһын ойоштороу маҡсат итеп ҡуйылды.

Уға ярашлы ауыл хакимиәттәре башлыҡтарына яугир-интернационалистарҙы сараға алып килеү (алып ҡайтыу) мәсьәләһен контролдә тотоу, шулай уҡ Ауырғазы күп профилле колледжы студенттарын һәм мәктәп уҡыусыларын йәлеп итеү бурыстары ҡуйылған. Бер рәттән 15 февраль Баҡалды, Оҙондар һәм Ырныҡшы мәктәптәрендә “Батырлыҡ дәресе“н ойоштороу күҙаллана.