Инйәр
-6 °С
Болотло
75 лет Победы
Бөтә яңылыҡтар
Төрлөһөнән...
23 Ғинуар 2019, 12:40

“Башҡорт халҡын үҫтереү стратегияһы”н төҙөү

V Бөтә донъя башҡорттары ҡоролтайын Башҡортостан Республикаһының юбилей йылында үткәрергә кәрәк, — Ҡоролтайҙың Башҡарма комитеты рәйесе Данир Ғәйнуллин “Рәсәй Федерацияһы субъекттары ҡоролтайҙарының яңы йүнәлештәре һәм мөмкинлектәре” тигән түңәрәк ҡорҙа ошо хаҡта белдерҙе.
Республиканан ситтәге ҡоролтайҙар эшмәкәрлеген яңыртыу мәсьәләләре тикшерелгән сарала күп кенә өлкәләр, автонмиялы округтар, ҡалаларҙың башҡорт йәмәғәт ойошмалары етәкселәре, Бөтә донъя башҡорттары ҡоролтайы Башҡорма клмитеты ағзалары, Мәҙәниәт министрлығы һәм ведомство ҡарамағындағы учреждениелар вәкилдәре ҡатнашты.
“Дөйөм съезды Башҡортостан өсөн тарихи әһәмиәтле йылда уҙғарыуҙы ҡанунға ярашлы тип иҫәпләйем,-тине ҡоролтайҙың Башҡарма комитеты етәксеһе. —Бөтә донъя башҡорттары ҡоролтайын күләмле һәм тантаналы ойоштороу мөһим. Баш ҡалалағы мәҙәниәт һарайынан тыш, республика райондарында ла халыҡ йыйындарын үткәрергә кәрәк. Төбәк лидерҙары был идеяны хупланы.
Бөтә донъя башҡорттары ҡоролтайы йәмәғәтселекте “Башҡорт халҡын үҫтереү стратегияһы”н төҙөүҙә ҡатнашырға саҡыра. Уҙғарыласаҡ Бөтә донъя башҡорттары ҡоролтайында ул төп документ буласаҡ. Эксперт советы ултырышында: “Халыҡ үҙенең киләсәген үҙе билдәләргә тейеш!- тип белдерелде. — Стратегия өҫтөндә эшләүгә эксперттарҙы ғына түгел, документтарҙы бергәләп ҡарарға мөмкинлек биргән заманса технологияларҙы файҙаланып, бөтә халыҡты йәлеп итергә кәрәк”. Был мөһим эштә республика халҡы ла,ситтә йәшәүсе ватандаштарыбыҙ ҙа ҡатнаша ала. Уны әҙерләүҙә стратегияның нигеҙен тәшкил итергә тейешле төп маҡсаттарҙы,уны төҙөү механизмын билдәләү зарур.
“20-30 йылдан башҡорттарҙың тормошо ҡайһы яҡҡа үҙгәрер? Демография нисек булыр? Башҡорт телен белеүселәр һаны күпме булыр?Башҡорт милләте булараҡ һаҡланып ҡалыу өсөн бөгөн нимә эшәргә? Документта ошо һорауҙарға яуап булырға тейеш”,-тиҙәр ойошманың матбуғат хеҙмәтендә. Ҡоролтайҙың электрон адресына [email protected] йәки 8(34774) 250-49-31 телефоны буйынса тәҡдимдәрегеҙҙе ебәрергә була.
М.Зиннурова.
Читайте нас в