Уңайлы шарттар булдырылды

Республика күп функциялы үҙәк идаралығының Архангелдәге бүлеге көн һайын йөҙләгән кешене ҡабул итә ала. Күрһәтелгән хеҙмәттәр исемлеге үҫкәндән – үҫә һәм урында йәшәүсе меңләгән халыҡтың уларға ихтыяжы күбәйгәндән-күбәйә. Былтырғы һандар менән сағыштырғанда үҙәк башҡарған хеҙмәттәр быйыл икеләтә артҡан. Күпселек Росреестрға, Пенсия фондына, Халыҡты социаль яҡлау үҙәге, миграция, һалым федераль хеҙмәттәргә һәм башҡа дәүләт, муницупаль өлкәләргә ҡағылған һорауҙар менән буйынса мөрәжәғәт итә.

Дәүләт, муниципаль хеҙмәттәр күрһәтеүҙең сифатын һәм уңайлылығын күтәреү йәһәтенән ауыл советтары базаһында айырым территориаль структура бүлектәре (ТОСП) булдырылды. Улар ярҙамында кешеләр дәүләт һәм муниципаль хеҙмәттәрҙе район үҙәгенә бармайынса ғына, йәшәгән урын буйынса ҡыҫҡа арауыҡта алыу мөмкинлеге бирә. Структура бүлектәре Архангелдәге үҙәктә күрһәтелгән бөтә дәүләт һәм муниципаль хеҙмәттәрҙе башҡара. Шулай итеп барлыҡ район халҡы өсөн хәҙер үҙәк хеҙмәтләндереүҙәре ҡул һуҙымы арауығында ғына.

Район территорияһында эшләүсе айырым территориаль структура бүлектәре (ТОСП) түбәндәге адрестар буйынса урынлашҡан:

- Абҙан ауыл советы (Абҙан ауылы, А.Абдрахманов урамы, 64-се йорт);

- Арх-Латыш ауыл советы (Максим Горький ауылы, Ленин урамы,43-сө йорт);

- Баҡалды ауыл советы (Баҡалды ауылы, Ленин урамы,1-се йорт);

- Инйәр ауыл советы (Валентиновка ауылы, Садовая, 22-се йорт);

- Ҡыҙыл Еҙем ауыл советы (Ҡыҙыл Еҙем ауылы, Үҙәк урамы, 1-се йорт);

- Липовка ауыл советы (Благовещенка ауылы, Йәштәр урамы, 10-сы йорт);

- Оҙондар ауыл советы (Оҙондар ауылы, Үҙәк урамы, 35-се йорт).

Иҫегеҙгә төшөрәбеҙ, Башҡортостан Республикаһы территорияһында (Өфө ҡалаһынан башҡа) 2018 йылдың 1 октябренән алып социаль яҡлау саралары билдәләүгә граждандарҙан ғаризалар һәм документтар ҡабул итеүҙәр ойошторолған. Бынан тыш мәғлүмәт аңлатыу эштәренең сифатын күтәреү маҡсатында Халыҡты социаль яҡлау республика үҙәге сайтында (http://calc.rcspn.mintrudrb.ru/abviser/Default.apxc) онлайн-консультация эшләй. Уның ярҙамында кешеләргә дәүләт социаль ярҙамына хоҡуҡ тураһында мәғлүмәт алырға була. Социаль ярҙам саралары билдәләү тәртибе һәм шарттары, кәрәкле документтар исемлеге хаҡында белешмәләрҙе БР Ғаилә, хеҙмәт һәм халыҡты социаль яҡлау министрлығы сайтында4s (www.mintrudrb.ru) “Социаль яҡлау” һәм Халыҡҡа социаль ярҙам күрһәтеү республика үҙәге сайтындағы (http://rcspn.mintrudrb.ru) “Түләүҙәр һәм пособиелар” бүлегендә табырға мөмкин.