“Барыһы ла мөхәббәт өсөн…”

14 февраль тотош донъяла Изге Валентин көнө, йәғни Ғашиҡтар көнө тип һанала. Ғашиҡтар уны үҙ байрамы тип иҫәпләй һәм бер-береһенә бүләктәр бирешә, мөхәббәтен белдерә.

Элегерәк ҡайһы бер илдәрҙә бүләктәрҙең йолаға әүерелгән төрҙәре лә булған. Мәҫәлән, Данияла яратҡан кешеләренә – кипкән сәскәләр, Японияла–шоколад, Францияла ҡиммәтле биҙәүестәр бүләк иткәндәр. Хәҙер йышыраҡ йөрәк рәүешендәге бәләкәй генә открыткалар – валентинкалар ярҙамында үҙ тойғоларын белдерәләр. Ғашиҡтар көнө уңайынан Муллаҡай ауылында “Барыһы ла мөхәббәт өсөн…” исемле байрам кисәһе уҙҙы. Күркәм сарала ауыл йәштәре төрлө конкурстарҙа, уйындарҙа ҡатнашып күңел асты, дәртле йыр-бейеүҙәр башҡарҙы.

Роза Ғәлиәхмәтова,