Гүзәл заттарға – “Әсәлек даны” миҙалы

Башҡортостанда күп балалы 50 ҡатын-ҡыҙ “Әсәлек даны” миҙалын алды. Бәхетле әсәләр исемлегенә райондаштарыбыҙ Илмира Тарасова менән Альбина Фәйзуллина ла инде. Улар ғаиләлә 5-әр бала тәрбиәләй.

Награда менән бергә аҡсалата премия тапшырылды (һалым ҡайтармаһы менән 8,7 мең һум). Миҙал 1998 йылда булдырылды, ошо ваҡыт эсендә уға 8 меңдән ашыу әсә лайыҡ булды. Быйыл 300 ҡатын-ҡыҙ миҙал менән бүләкләнде. Республикала бөтәһе 46 меңдән ашыу күп балалы әсә иҫәпләнә.

Миҙалдарҙы Башҡортостан хөкүмәте премьер-министры урынбаҫары Ленара Иванова тапшырҙы. “Күп балалы әсәләрһеҙ республиканың әүҙем үҫеше мөмкин түгел. Республика Хөкүмәте кимәлендә ғаиләләргә, айырыуса күп балалыларға, социаль ярҙам саралары даими тикшерелә, беҙ һеҙҙең менән бөтә майҙансыҡтарҙа ла һөйләшергә әҙербеҙ”,- тине Ленара Хәким ҡыҙы.

Альберт Рәхимов.