Кәнфит түгел, ағыу!

Уҡыусыларыбыҙға янаған яңы афәт “снюс” тип атала. Уның еҫе юҡ, ә составында никотин – бала өсөн үлемесле дозала, бүтән наркотик матдә лә һалыныуы ихтимал. Республика Башлығы Радий Хәбиров был үлемесле ағыуҙы бөтә прилавкаларҙан да алырға ҡушты. Бынан һуң һатыусыларҙың 75 проценты снюсты кәштәләренән алды. Әйткәндәй, Радий Фәрит улының тәҡдимен федераль кимәлдә лә хупланылар.

Ошо көндәрҙә “Берҙәм Рәсәй” партияһының урындағы бүлексәһе, “Йәйғор” балалар һәм үҫмерҙәр клүбы хеҙмәткәрҙәре һәм Липовка ауыл советы депутаты Алексей Сухов тарафынан Ауырғазы күп профилле колледжының Архангел филиалы студенттары, шулай уҡ Архангел мәктәбе уҡыусылары менән берлектә профилактик әңгәмә үткәрҙе. Сарала йәштәр наркотик матдәләрҙең йоғонтоһо, уларҙың күп төрлөлөгө һәм уны ҡулланғанда кеше организмы өсөн кире һөҙөмтәләре турһында мәғлүмәт менән танышты.

Альберт Рәхимов.