Үткәндәр һәм бөгөнгөнөң сағылышы

Архангел районы энциклопедияһын сығарыуға әҙерлек эшмәкәрлеге дауам итә. Ошо маҡсатта комиссия төҙөлгән, материалдарҙы йыйыу, эшкәртеү буйынса эш планы раҫланған.

Күптән түгел мәғлүмәт китабын сығарыу буйынса ауыл хакимиәттәре башлыҡтары, китапханасылар һәм Өфө ҡалаһында йәшәүсе яҡташтарыбыҙ менән берлектә кәңәшмә уҙҙы. Унда китапҡа индереләсәк мәғлүмәттәр тураһында һүҙ барҙы.

Энциклопедияны йыйыу – бик яуаплы һәм сетерекле эш. Сарала ҡатнашыусыларға күләмле баҫманы әҙерләүҙә ярҙам күрһәтергә бурыс итеп ҡуйылды. Планлаштырылған мәғлүмәт күләме бик ҙур, ләкин, үкенескә ҡаршы, ваҡыт сикле, шуға ла бергәләп тотонғанда ғына был эште лайыҡлы тамамлау мөмкин. Киләһе йыйылыш 2020 йыл башында уҙғарыласағы хаҡында белдерелде.

Альберт Рәхимов.