Илдең киләсәге – яуаплы ҡулдарҙа

Әлеге ваҡытта республикала 50 меңдән ашыу күп балалы әсә йәшәй. “Әсәлек даны миҙалы” 1998 йылдан тапшырылып килә. Ошо осорҙа дәүләт наградаһына 7919 ҡатын-ҡыҙ лайыҡ булған.

Ошо көндәрҙә Өфөлә Башҡортостан Республикаһы Хөкүмәте Премьер-министрының беренсе урынбаҫары Андрей Назаров дәүләт наградаларын тапшырҙы. Сарала 48 күп балалы ҡатын-ҡыҙ “Әсәлек даны” миҙалы менән бүләкләнде. Бәхетле әсәләр исемлегендә районыбыҙҙың биш һәм унан да күберәк бала тәрбиәләгән дурт гүзәл зат булды. Бына улар: Р.Р.Пархута (М.Горький ауылы), Г.Ғ.Рамазанова (Абҙан), А.Г.Энде (Архангел) һәм З.Х.Яҡшымбәтова (Үрге Ырныҡшы).

Альберт Рәхимов.

Һүрәттә: “Әсәлек даны миҙалы”н алған әсәләр.

Радий Хәбиров, БР Башлығы:

– Үҙебеҙҙәге барлыҡ күркәм сифаттар өсөн әсәйҙәргә бурыслыбыҙ. Был хәҡиҡәтте һәр кем яҡшы белә. Әсәләр беҙгә ғүмер бирә, һөйөү, йылылыҡ өләшә. Әсә наҙы, аҡыл ҡеүәһе, хәстәрлеге йөрәктәребеҙҙә мәңге һаҡлана.