Гөрләп уҙҙы туйҙар

Ошо Стәрлетамаҡ районында “Борон туйҙар гөрләп үткән…” милли боронғо туй йолалары (башҡорт, рус, татар, сыуаш, украин, мордва, марий телдәрендә) республика фестиваль-конкурсы ойошторолдо. Боронғо туй йолаларын тергеҙеү, мәҙәни традицияларҙы һаҡлау, йәштәрҙе республика биләмәһендә йәшәгән халыҡтарҙың йолаларына һәм ғөрөф-ғәҙәттәренә ылыҡтырыу сараның төп маҡсаттарының береһе булды.

Бәйге республика Башлығының Башҡортостандың дәүләт һәм унда йәшәгән халыҡтарҙың телдәрен һаҡлауға, үҫтереүгә йүнәлтелгән грант ярҙамы менән ойошторлдо. Унда республикабыҙҙың төрлө район-ҡалаларынан 25 этнографик һәм вокаль коллективтар ҡатнашты. Район данын Сәриә Мағазова етәкселегендә “Табын” фольклор ансамбле яҡланы.

Һәр милли коллектив сәхнәлә үҙҙәренең ғөрөф-ғәттәрен, йолаларын, аш-һыуҙарын сағылдырған туй байрамын тәҡдим итте. дөйөм һөҙөмтәләр буйынса яҡташыбыҙ II дәрәжәле дипломға лайыҡ булды.

Альберт Рәхимов.

Фото асыҡ сығанаҡтарҙан.