Ташҡын… Сәсеү… Юлдар… Барыһы ла мөһим!

Район хакимиәте башлығы А.Комзалов, уның урынбаҫарҙары Башҡортостан Башлығы вазифаһын ваҡытлыса башҡарыусы Радий Хәбиров етәкселегендәге оператив кәңәшмәлә ҡатнашты. Республикала үткән аҙналағы хәл-торош менән Торлаҡ-коммуналь хужалығы министрлығы, БР Транспорт һәм юл хужалығы дәүләт комитеты һәм Ғәҙәттән тыш хәлдәр министрлыҡтары байҡау яһаны.

БР Ауыл хужалығы министры И.Фәзрәхмәнов яҙғы сәсеү эштәренә әҙерлек, БР Транспорт һәм юл хужалығы дәүләт комитеты Т.Мөхәмәтйәнов юл-транспорт ваҡиғалары буйынса комиссия эшмәкәрлеге хаҡында бәйән итте.

Сарала “Инвестиция сәғәте”нең эшмәкәрлеге, яҙғы ташҡынға әҙерлек, “Республикала соҡор-саҡырҙарҙы төҙөкләндереү буйынса интерактив карта” мобиль ҡушымтаһы, торлаҡ пункттарында һөт кухняһының эшмәкәрлеген ойоштороу буйынса мәсьәләләр иғтибар үҙәгендә булды.

Альберт Рәхимов.