Хәүефһеҙлек – төп урында

Яңы Устиновка ауылында граждандар йыйылышында район хакимиәте башлығы А.Комзалов, Архангел ауыл биләмәһе башлығы М.Адамчук, янғын күҙәтеү бүлеге инспекторы Е.Рыжиков, район полиция бүлегенең участка уполномоченныйҙары начальнигы А.Сәйфуллин ҡатнашты. Унда “Тыуған урам”, янғын хәүефһеҙлеге, законһыҙ рәүештә алкоголь эсемлектәрен һатыуҙы тыйыу кеүек мәсьәләләр буйынса һөйләшеү барҙы.

Үткәндәргә – байҡау

Ошо көндәрҙә Арх-Латыш ауыл советының 29-сы ултырышы уҙҙы. Кәңәшмә барышында ауыл биләмәһе башлығы Татьяна Галина мөһим һорауҙар буйынса сығыш яһаны.

Көн тәртибендә Арх-Латыш ауыл биләмәһенең бюджетына үҙгәрештәр һәм өҫтәмәләр индереү, 2018 йылда ауыл хакимиәтенең һәм советтың эшмәкәрлегенә байҡау яһау, ауыл биләмәһе советы рәйесе урынбаҫарын һайлау кеүек һорауҙар ҡаралды.

Альберт Рәхимов.