Депутатҡа – өмөт менән

РФ Дәүләт Думаһы Зөһрә Рәхмәтуллина район хакимиәтендә шәхси һорауҙар буйынса граждандарҙы ҡабул итте. Зөһрә Йыһанур ҡыҙына мәсьәләләрҙе хәл итеүҙә ярҙам һорап һигеҙ кеше мөрәжәғәт менән килде. Халыҡты Архангел сиркәүен төҙөкләндереү, Рәсәй гражданлығын алыу, Приуралье ауылында балалар майҙансығы төҙөү, шулай уҡ ошо уҡ ауылда сафтан сыҡҡан газ торбаларын демонтажлау, Ҡыҫынды мәктәбенә ремонт эшләтеү, Орловка ауылына газ үткәреү, Архангел ауылының “Йәштәр” микрорайонында юл төҙөү һәм Ҡыҙыл Еҙем ауылындағы сиркәүгә бағымсылыҡ ярҙамы күрһәтеү кеүек һорауҙар борсоно.

Мөрәжәғәттәрҙең күпселеге урында хәл ителеүгә ҡарамаҫтан, ҡайһы берәүҙәре депутаттың үҙ контроленә алынды.

Альберт Рәхимов.