Инйәр
-23 °С
Болотло
75 лет Победы
Бөтә яңылыҡтар
Район яңылыҡтары
23 Ғинуар 2019, 14:13

Йылға яры нығыясаҡ

Инйәр йылғаһының нығытылырға тейешле яр участкаһы Оҙондар ауылының көньяғынан башлана һәм көньяҡ-көнсығышына ҡарай уң яры буйлап 1,8 километрға һуҙыла, зыярат эргәһенән үтә. Айырыуса ташҡын осоронда йылға яр буйҙарын йыуып ауылға яҡынлаша, халыҡҡа хәүеф тыуҙыра. Ошо етешһеҙлектәрҙе хәл итеү маҡсатында йылға үҙәнен үҙгәртеү, ярҙы нығытыу, дамбалар төҙөү күҙаллана. Был хаҡта райондың төҙөлөш, торлаҡ-коммуналь хужалығы һәм муниципаль һатып алыуҙар бүлеге начальнигы Семен Дунаев түбәндәге мәғлүмәтте еткерҙе.
– Инйәр йылғаһының үҙәнен төҙәйтеү һәм уның ярҙарын нығытыу эштәренә 38 миллион һум аҡса сарыф ителәсәк. Күгәрсен районынан “ГарантСтрой” яуаплылығы сикләнгән йәмғиәт объектты сафҡа индереү эштәрен башҡара. 14 ғинуарға ҡарата дөйөм эштәрҙең 30 проценты тамамланды ла инде. Әлеге мәлдә унда бер бульдозер, ун йөк машинаһы, алты экскаватор һәм бөтәһе 22 эшсе төҙөкләндереү менән шөғөлләнә,-тине Семен Владимирович.
Альберт Рәхимов.
Читайте нас в