Ә һеҙ беләһегеҙме?

Яңы йылдан күп фатирлы йорттарҙы капиталь ремонтлау өсөн түләүҙе компенсациялау пенсия алды йәшендәге граждандарға ла ҡағыласаҡ.

– Компенсация 70 йәшкә еткән, яңғыҙ йәки эшләмәгән пенсия алды йәшендәге граждандарға (ҡатын-ҡыҙҙар өсөн 55 йәш, ир-егеттәргә 60 йәш) йә булмаһа I һәм II төркөм инвалидтары ғаиләһендә йәшәгән милек эйәләренә бирелә. Шулай итеп, льготаның йәш кимәле һаҡлана: бынан алда ул 70 йәшен уҙған, яңғыҙ йәки пенсия йәшендәге кешеләр менән йәшәгән милекселәргә генә тәғәйен ине. 70 йәшкә еткән граждандарға 50 процент күләмендә, 80 йәше тулғандарға 100 процентлыҡ компенсация ҡаралған,- тип белдерҙе район хакимиәтенең төҙөлөш һәм торлаҡ-коммуналь хужалығы буйынса баш белгесе Ольга Бушмелева.

Альберт Рәхимов.