“Форвард”ҡа эйә табылды!

Ниһайәт, төп приз — “Форвард” велосипедын уйнатыу көнө лә килеп етте. Гәзит уҡыусыларыбыҙҙан бөтәһе 207 квитанция күсермәһе килде һәм уларҙың барыһына ла шәп бүләк отоу мөмкинлеге бирелеп, “Суперприз от!” тип яҙылған йәшниккә һалынды. Уйын барышын күҙәтергә район Советы секретары Фәйез Йортомбаев, район ветерандар советы рәйесе Шамил Кәримов саҡырылды. Архангел мәғлүмәт үҙәге директоры, “Инйәр” гәзитенең баш мөхәррире Гөлшат Закирова уйын ҡағиҙәләре менән таныштырғандан һуң Баҡалды ауылынан килеүсе Рәйсә Хисмәтуллинаның еңел ҡулы менән велосипедҡа хужа табылды. Ул — 1-се Архангел мәктәбенең башҡорт теле һәм әҙәбиәте уҡытыусыһы Фәйрүзә Сәләхитдинова! Еңеүсене ихлас ҡотлайбыҙ! Миләүшә Бәширова.