0 °С
Болотло
Бөтә яңылыҡтар
Район яңылыҡтары
15 Февраль 2018, 13:00
Алдан хәстәрләйек
Ошо көндәрҙә район хакимиәте башлығы урыбаҫары Ғәли Төгөлбаев етәкселегендә үҫемлекселек буйынса кәңәшмә уҙҙы. Сараға крәҫтиән-фермер хужалыҡтары етәкселәре, шәхси эшҡыуарҙар саҡырылды.
Ошо көндәрҙә район хакимиәте башлығы урыбаҫары Ғәли Төгөлбаев етәкселегендә үҫемлекселек буйынса кәңәшмә уҙҙы. Сараға крәҫтиән-фермер хужалыҡтары етәкселәре, шәхси эшҡыуарҙар саҡырылды.
Мәғлүмәт-консультация үҙәгенең агрон ом- к о н с у л ь т а н ты Рәфис Абдуллин белдереүенсә, аграрийҙар ағымдағы йылда сәсеү эштәрен иртәрәк башларға фаразлай. Әгәр ҙә февралдә ҡар ҡатламы аҙ булһа, ерҙә дымлылыҡ түбән була, шул арҡала ҡатмарлыҡтар килеп сығыуы ихтимал.
– Яҙғы сәсеү эштәре май байрамдарына тиклем тамамланыуы күҙаллана,- тине Рәфис Шәкирйән улы. – Шуға күрә ауыл хужалығы тауар етештереүселәргә, хужалыҡтарға ашламаларҙы ваҡытында алыу мәсьәләһе тора.
Алдағы көндәргә ҡуйылған маҡсаттарҙың береһе – яҙғы баҫыу эштәренә әҙерлек. Кәңәшмәлә ҡатнашыусылар баҫыуҙарҙағы хәл, ужым культураларының торошо, уңыш буйынса фараздар тураһында мәғлүмәт алды.
Альберт Рәхимов.