Балалар хоҡуғын яҡлайыҡ

Ошо көндәрҙә БР-ҙың балалар хоҡуҡтары буйынса вәкиле Милана Скоробогатова районыбыҙға килде. Үҙенең эш сәфәрендә Милана Марат ҡыҙы Рәсәй Федерацияһы Хөкүмәтенең ҡарарына ярашлы, районда етем балалар һәм ата-әсәһенән мәхрүм ҡалған балалар менән ниндәй саралар ойошторолоуы тураһында мәғлүмәткә иғтибар бирҙе.

Тәү сиратта, Милана Скоробогатова район хакимиәте башлығы Александр Комзалов һәм уның урынбаҫары Гүзәлиә Имаева менән осрашып социаль етемлек, ғаилә сәйәсәте, балалар араһында суицид буйынса әңгәмә алып барҙы. Артабан үҙенең эш сәфәрен Милана Марат ҡыҙы райондағы республика социаль приюты бүлегендә үткәрҙе. Һуңынан ул бәлиғ булмағандар эше буйынса комиссия ултырышында ҡанташты.

Альберт Рәхимов.