Бер ҡасан да артҡа сигенмәҫкә, тик алға — уңышҡа ынтылырға!”

Талипова Физәлиә Ришат ҡыҙы:

— Мин Ҡыҙыл Еҙем ауылында йылҡы йылының үлсәү йондоҙлоғо аҫтында тыуғанмын. Ҡылығым буйынса аралашыусан, яуаплы һәм алдынғы ҡарашлымын. Әлеге мәлдә әсәйем һәм һеңлем менән Яңы Шәрәйҙә йәшәйбеҙ. Благовещенка мәктәбенең 9-сы класында белем алам. Бында миңә бөтә нәмә оҡшай, яңы таныштар, әхирәттәрем күбәйҙе. Ғаиләмде ныҡ хөрмәт итәм, буш ваҡытымда әсәйемә ярҙамлашам, бер эштән дә ҡурҡмайым. Аш-һыу әҙерләргә, ҡул эштәре менән булышырға яратам. Башҡорт халыҡ бейеүҙәре һәм йырҙары күңелемә яҡын, шуға күрә уларҙы өйрәнеү менән мауығам.

Тормоштағы девизым: “Бер ҡасан да артҡа сигенмәҫкә, тик алға — уңышҡа ынтылырға!”. Маҡсатым — мәктәпте уңышлы тамамлап, юғары белем алырға өлгәшеү.