Фоторепортаж "Вместе - за безопасное дорожное движение"

Ошо көндәрҙә Архангелдә “Бергәләп юл хәрәкәте хәүефһеҙлеге өсөн” исемле акцияіүтте. Райондың йәштәр эше, физик культура һәм спорт комитеты, “Йәйғор” балалар һәм үҫмерҙәр клубы хеҙмәткәрҙәре тарафынан ойошторолған сарала юл хәрәкәте хәүефһеҙлеге инспекцияһы хеҙмәткәрҙәре, волонтерҙар һәм йәш гвардиясылар ҡатнашты.

Юл-транспорт хәл-ваҡиғаларын, хәүефһеҙлек ҡағиҙәләрен иҫкәртеү һәм профилактикалау – акцияның төп маҡсаттарының береһе ине. Әңгәмә барышында волонтерҙар һәм йәш гвардиясылар водителдәргә, шулай уҡ йәйәүлеләргә “Яҡтылыҡты кире ҡайтарыусы – ғүмереңде һаҡлар”, “Хәүефһеҙлек ҡайышы” һәм “Автомобилдә балаларҙың хәүефһеҙлеген үтә” иҫкәртмәләрен тапшырҙы. Бер рәттән ЮХХДИ хеҙмәткәрҙәре автомобиль хужаларының һәм пассажирҙарҙың хәүефһеҙлек ҡайышы менән ҡулланыу-ҡулланмауын һәм балалар креслоһының барлығын тикшерҙе.