“Халыҡ” исемен раҫланы...

Быйыл март айы мәҙәниәт бүлеге өсөн бик уңышлы килде, тип әйтһәк бер ҙә хата булмаҫ. Беренсенән, беҙ ниһайәт ситтән тороп эшләү режимынан ғәҙәттәге көнкүрешебеҙгә кире ҡайттыҡ! Икенсенән, районыбыҙҙың халыҡ исемен йөрөткән ижади коллективтары үҙҙәрен яҡланы.

Ошо йәһәттән район мәҙәниәт йортонда “Дуҫлыҡ гөлләмәһе” республика үҙешмәкәр художестволы халыҡ коллективтары фестивале үтте. Фестивалдә балалар ижады мәктәбенең “Умырзая” фольклор ансамбле (етәксеһе А.Ҡунаҡбаева), тынлы оркестр ансамбле (Ә.Фәхретдинов), халыҡ академия хоры (И. Пинягина), халыҡ рус хоры “Берегиня”, “Заряница” (Е.Егорова), халыҡ фольклор ансамбле “Цвет Калина” (Е.Марахотина), халыҡ биҙәү-ғәмәли сәнғәт клубы “Мозаика” (Ф.Гольцова), халыҡ рус фольклор ансамбле “Рус биҙәктәре” (В.Швецова) ҡатнашты һәм “Халыҡ” исемен лайыҡлы раҫланы.

Сәриә Мағазова,

район мәҙәниәт йортоноң художество етәксеһе.

Фото — район мәҙәниәт йорто сайтынан.