Һеҙҙең өсөн!

Өс йәштән ете йәшкә тиклемге балаларға айлыҡ түләүҙәр кемгә тейеш? Уны ҡасан түләй башлаясаҡтар? Ошо хаҡта ҡыҫҡаса, аныҡ яуаптар менән танышығыҙ.

Һеҙ –Рәсәй Федерацияһы гражданы. Балағыҙ ҙа - Рәсәй гражданы. Ғаиләгеҙҙәге йән башына тура килгән уртаса килемегеҙ 2020 йылда 9804 һумдан артмай икән, тимәк, һеҙ был түләүҙәрҙе алырға хоҡуҡлы.

Ғаризаны ҡасан яҙыуығыҙға ҡарамаҫтан, пособиены 2020 йылдың 1 ғинуарынан түләйәсәктәр (йәки балағыҙға өс йәш тулғандан башлап).

2020 йылда айлыҡ түләүҙәр күләме – 4894,50 һум.

Ғаризалар 2020 йылдың 1 июленән ҡабул ителә.

Ҡайҙа мөрәжәғәт итергә?

Республика халыҡты социаль яҡлау үҙәге филиалдарына (Өфөлә - филиал бүлектәренә), Дәүләт һәм муниципаль хеҙмәттәр күрһәтеүсе күп функциялы үҙәктәргә һәм Дәүләт хеҙмәттәренең берҙәм порталы аша. “Демография” милли проектына ярашлы, балалы ғаиләләргә финанс ярҙамы күрһәтеү, тормош сифатын яҡшыртыу – хәл итәһе төп мәсьәләләрҙең береһе.