“Сәләмәт республика — сәләмәт төбәк”

Башҡортостанда “Сәләмәт республика — сәләмәт төбәк” акцияһы старт алды. Был сара ауыл ерҙәрендә медицина хеҙмәтләндереүен яҡшыртыу буйынса Башҡортостан Республикаһы Башлығы вазифаһын ваҡытлыса башҡарыусы Радий Хәбиров ҡарары буйынса уҙғарыла.

Акция сиктәрендә ауыл халҡына тәүге ярҙам күрһәтелә, шулай уҡ белгестәрҙә консультация алырға, ҡаралырға мөмкинлек буласаҡ. Был сараға Республика клиник дауаханаһының кардиология үҙәге, Республика стоматология поликлиникаһы модуле, һаулыҡ һаҡлау үҙәктәре, күсмә флюорография, маммография, диагностик үҙәктәр һәм ФАП-тар йәлеп ителгән. Республика буйынса биш маршрут билдәләнгән һәм биш автопоезд ошо йүнәлештәр буйынса үтә.