“ Ырамлы бара” “Үҙәҡ” МТС-ының баҫыуҙары гөрләп тора…

Хужалыҡтарҙа сәсеү эштәре тамамланыуға бара. Һуңғы көндәрҙең яуым-төшөмлө булыуына ҡарамаҫтан, игенселәр “ҡорос аттары” менән баҫыуҙарҙы иңләүҙәрен дауам итә.

“Үҙәк” МТС-ының “Еҙем” бүлексәһендә бөгөнгө көнгә ҡарата бойҙай, һоло, борсаҡ сәселеп бөтөлгән. Башҡа культураларға килгәндә, рапс — 460 гектар(план буйынса 915 гектар), көнбағыш — 200(план буйынса 493), арпа 350 гектар (510) майҙанда сәселгән. Шулай уҡ былтырғы ужым баҫыуҙарын ҡеүәтләндереү саралары ла башҡарыла.

— Химик утауҙарға төштөк. Тәүгеләрҙән булып ужым бойҙайҙарын үтеп сыҡтыҡ. Механизаторҙарыбыҙ Азат Ғәйфуллин һәм Марсель Фәйзуллин “МТЗ-82” тракторында был эште теүәл башҡара. Ғөмүмән, бөтәһе лә ырамлы бара. Малдарҙы ла йәйге лагерға сығарҙыҡ, - тип эш барышы менән таныштырып үтте хужалыҡтың менеджеры Урал Яҡшыбаев.

Дилара Бәҙретдинова.

Читайте нас:

Адресы: 453030, Архангельский район, с. Архангельское, ул. Советская, 18

Телефондар:

Баш мөхәррир: 83477421457

Реклама хеҙмәте: 8-347-74 (2-18-66)

Редакция: 8-34774 (2-12-87)

Кадрҙар бүлеге: 8-34774 (2-18-44)

Электрон почта: [email protected]