Яҡташтар берҙәмлеге раҫланды

Махсус хәрби операция барышында хәрби бурыстар үтәгән яҡташтарыбыҙға ярҙам итеү өсөн ойошторолған хәйриә концерты Благовещенка ауылында үтте. Унда беҙҙең талантлы яҡташтарыбыҙ, республика, Бөтә Рәсәй һәм халыҡ-ара фестивалдәр һәм конкурстар лауреаттары Карина һәм Радмир Хәсәновтарҙың талантлы ғаиләһе сығыш яһаны. Сараға урындағы халыҡ ҡына түгел, күрше ауылдарҙан ҡунаҡтар ҙа килде, был кешеләрҙең берҙәмлеген һәм дуҫлығын раҫланы.
Урынлаштырылған "Изгелек ҡумтаһы" теләгән һәр кемгә, хатта төрлө сәбәптәр арҡаһында концертҡа килә алмағандарға ла ҡулдарынан килгәнсә ярҙам итергә мөмкинселек бирҙе.
Бөтә йыйылған аҡса маскировка селтәрҙәре өсөн материал һатып алыуға йүнәлтеләсәк — бының менән беҙ яугирҙәребеҙгә ярҙам йөҙөнән ойошторолған ҙур эшкә аҙ булһа ла үҙ өлөшөбөҙҙө индерәсәкбеҙ. Берҙәмлектә беҙҙең көс һәм бындай саралар быға лайыҡлы дәлил булып тора!
Рәсимә Сәйғафарова,
Липовка ауыл хакимиәтенең эштәр буйынса идарасыһы.