"Күптән кәрәк ине"

Игорь Кузнецов, Башҡорт дәүләт университеты Хоҡуҡ институтының дәүләт хоҡуғы кафедраһы доценты, юридик фәндәр кандидаты:

– Иң мөһим өҫтәмәләрҙең береһе 79-сы статьяға ҡағыла: Рәсәй Конституцияһына ҡаршы килһә, халыҡ-ара килешеүҙәр беҙҙең ил биләмәһендә ҡулланыла алмай. Күҙалланған төҙәтеүҙәргә аҙ тәьмин ителгән ғаиләләргә социаль ярҙам күрһәтеү ҙә инә. Мәҫәлән, хеҙмәткә түләүҙең иң түбән кимәленең рәсми ҡабул ителгән йәшәү минимумынан да аҙыраҡ булмаҫҡа тейешлеге. Власть вәкәләттәренең бүленешенә килгәндә, бында Дәүләт советының роле билдәләнеүе әһәмиәтле, сөнки тап ошо орган дәүләттең төп эске һәм тышҡы йүнәлештәрен билдәләй.

Юғары вазифалар биләгән кешеләрҙең бер юлы сит ил гражданы ла булыуын тыйыуҙы ла мин үтә әһәмиәтле һәм күптән кәрәк булған төҙәтеү тип ҡабул итәм.