-3 °С
Болотло
Бөтә яңылыҡтар
Төрлөһөнән...
8 Февраль 2021, 16:05
Балаларға прививка яһаламы?
Республикала COVID-19-ға ҡаршы киң вакцинациялау кампанияһы башланғаны мәғлүм.
Әйтергә кәрәк, йәмәғәтселектә был ғәмәлгә бәйле төрлө һорауҙар, шиктәр күп, шуға күрә һеҙҙең ҡарамаҡҡа Республика СПИД һәм инфекциялы сирҙәргә ҡаршы көрәш һәм иҫкәртеү үҙәге баш табибы Рафаэль Яппаров һәм Һаулыҡ һаҡлау министрлығының штаттан тыш баш инфекционисы Дамир Вәлишин яуап биргән ҡайһы бер һорауҙарға яуаптар тәҡдим итәбеҙ.
Белгестәр менән әңгәмәне “Панорама” журналы ойошторған.
18 йәшкә тиклем коронавирус инфекцияһына ҡаршы прививка яһатыу ҡәтғи тыйыла. Эш шунда: әлегә ололар буйынса ла вакцинаны тулыһынса һынап бөтмәгәндәр, ә балалар – айырым категория.
Әлеге ваҡытта 14 йәшен үткәндәрҙә вакцинаны тикшереү өсөн контингент туплана. Унан һуң һынауҙар башланасаҡ.
Әгәр төбәктә 50-60 процент өлкән кешеләргә вакцина яһаласаҡ икән (уларға сирҙе үткәндәрҙе лә ҡушһаҡ), халыҡ араһында коллектив иммунитет барлыҡҡа киләсәк, тигән өмөт бар. Был саҡта инфекция ла таралыуҙан туҡтаясаҡ. Әлбиттә, кеше прививка яһатырға теләй икән – был уның хоҡуғы.
Был эште вакцина-иҫкәртеү эшмәкәрлегенә лицензияһы булған медицина ойошмалары башҡара ала. Тәүге сиратта, һүҙ барлыҡ поликлиникалар тураһында бара.
Унан тыш, ошондай уҡ лицензиялары булған шәхси медицина ойошмалары ла бар. Әммә вакцина дәүләт программаһы буйынса федераль сараларға һатып алынғанға күрә, әлегә вакцинациялау фәҡәт дәүләт һаулыҡ һаҡлау системаһына ҡараған учреждениеларҙа барасаҡ, препараттар дәүләт клиникаларына ҡайтарыласаҡ. Вакцинациялау – бушлай.
Дилара Бәҙретдинова әҙерләне.
Читайте нас:
© 2020-2024 Сайт издания "Инйәр" Копирование информации сайта разрешено только с письменного согласия администрации
Адресы: 453030, Архангельский район, с. Архангельское, ул. Советская, 18
Телефондар:
Баш мөхәррир: 83477421457
Реклама хеҙмәте: 8-347-74 (2-18-66)
Редакция: 8-34774 (2-12-87)
Кадрҙар бүлеге: 8-34774 (2-18-44)
Электрон почта: [email protected]