Һаҡ булығыҙ: юлда – боҙлауыҡ!

Ҡыш миҙгеле йәйәүлеләр өсөн дә, водителдәр өсөн дә хәүефле осорға әйләнә.

Ҡыш миҙгеле йәйәүлеләр өсөн дә, водителдәр өсөн дә хәүефле осорға әйләнә. Көндөҙ ҡояш ҡыҙҙыра, кисен һыуыта, төндә туңдыра, ә иртәнсәк боҙлауыҡтар барлыҡҡа килә. Бындай шарттарҙа айырыуса иғтибарлы булырға кәрәк.

Күңелһеҙ осраҡҡа юлыҡмаҫ өсөн түбәндәге ябай, әммә мөһим ҡағиҙәләрҙе үтәү мотлаҡ.

Йәйәүлеләр өсөн:

- Һәр саҡ хәрәкәт иткән саҡта юлға иғтибар бирергә кәрәк;

- Ҡулдарҙы кеҫәгә “һалырға” кәңәш ителмәй;

- Тубыҡтарҙы ҡаҡшатыу талап ителә;

- Артыҡ ҡабаланмай хәрәкәт итергә;

Аяҡтарҙы бейек күтәрмәй, үксәгә тулыһынса баҫып атлау зарур.

Йығылған осраҡта:

- Беренсе көн: полиэтилен һауытҡа һыуыҡ предмет һалып 20 минутҡа ҡәҙәр (биш минуттан һуң) тоторға;

- Икенсе көн: бәрелгән урынға йод менән сетка яһау, күгәргән урынды тиҙерәк юҡҡа сығарыу;

- Өсөнсө көн: шешенеү кәмегән осраҡта, бәрелгән урынға йылытыусы май, йәиһә йылытҡыс (грелка) һалыу яҡшы һөҙөмтәләргә килтерер.

Автомобилселәр өсөн:

- Тәгәрмәстәрҙе “энәле”һенә алмаштырыу зарур;

- Тайғаҡта автомобилде яйыраҡ йөрөтөргә кәңәш ителә. Рулде ҡапыл борғанда, ҡапыл тормозға баҫҡанда, машинаны ситкә “ташлауы” ихтимал. Ул саҡта иң яҡшыһы – рулде “ташлаған” яҡҡа табан бороу һәм шундуҡ тәгәрмәстәрҙе тигеҙләү, әммә тормозға баҫыу ҡәтғи тыйыла.

- Бигерәк тә юлға төшөрөлгән билдәләрҙә (“разметка”) һаҡ булырға кәрәк. Юлға һалынған аҡ буяу еүеш мәлдә, һалҡында, һабын шикелле, тайғаҡҡа әйләнә һәм тәгәрмәстәрҙең юл менән тығыҙлығы ла кәмей.

- Тәгәрмәстәрегеҙҙәге тындың баҫымын үлсәгеҙ. Бындай көндәрҙә 0,5 атмосфераға артығыраҡ тултырылған баҫым күпселек осраҡта фажиғәләрҙең сәбәпсеһе була.

- Юлда автомобилдәр араһындағы дистанция тураһында ла онотмағыҙ. Һынауҙар күрһәтеүенсә, машина-ара дистанция, йәйгеһенә ҡарағанда, кәм тигәндә өс тапҡырға артығыраҡ булырға тейеш. ABS системаһына ышанырға ярамай – ул туҡтау арауығын кәметеү өсөн түгел, ә тормоздарҙың блокировкаһын булдырмау өсөн тәғәйенләнгән.

- Тәбиғәттең көйһөҙ миҙгелендә машиналар өсөн иң хәүефле урындар – күперҙәр, юл саттары, боролоштар. Улар – иң “тапалған” урындар. Шуға ла был урындарҙа тиҙлек менән шаярырға ярамай.

Александар Антипин,

райондың граждандар оборона һәм ғәҙәттән тыш хәлдәр буйынса белгес.

Читайте нас:

Новости партнеров

Лена ханым: "Улымды онотмайҙар"

На уровне молекул

Салкын тигәндә мунча керергә ярыймы?

Адресы: 453030, Архангельский район, с. Архангельское, ул. Советская, 18

Телефондар:

Баш мөхәррир: 83477421457

Реклама хеҙмәте: 8-347-74 (2-18-66)

Редакция: 8-34774 (2-12-87)

Кадрҙар бүлеге: 8-34774 (2-18-44)

Электрон почта: [email protected]