Ауыр һәм яуаплы хеҙмәт

Юлдар — ул иҡтисадтың үҫешенә ғәйәт ҙур йоғонто яһай торған фактор. Тәбиғәттең ниндәй генә көйһөҙ мәле булмаһын, юл төҙөүселәр трассаларҙа көндө төнгә ялғап эшләй. Ҡышын иһә юлдарҙы ҡарҙан таҙартыу тәүлек әйләнәһенә
ойошторола. Шуғалыр ҙа был һөнәрҙе тырыштар, сыҙамлылар, сәмселдәр генә үҙ итәлер.

Район территорияһында бөтә юл селтәре 373 саҡрым тәшкил итә. Бөгөнгө көндә юл хужалығы Чкалов урамында төҙөкләндереү эштәре башҡара: ярты саҡрым тирәһе юлға асфальт түшәлгән дә инде.

Идаралыҡ мастеры Алексей Мальцев белдереүенсә, был йүнәлештә эштәр дауам итәсәк, әлбиттә, барыһы ла һауа шарттарына бәйле. Туғыҙ кешенән торған бригада бурыстарын еренә еткереп башҡара. Әйткәндәй улар 1-се Архангел мәктәбе янындағы майҙансыҡҡа ла асфальт һалды.

— Һуңғы туғыҙ айҙа районда 12 саҡрым юл ремонтланды. Бынан тыш, быйыл старт алған “Хәүефһеҙ һәм сифатлы автомобиль юлдары” милли проекты сиктәрендә яҡын арала Максим Горький ауылы тарафындағы юлдарҙа төҙөкләндереү эштәре башланасаҡ, — ти хужалыҡ мастеры.

Юлдарыбыҙ тағы ла яҡшыраҡ, төҙөгөрәк, уңайлыраҡ булһын — шундай изге ынтылыш менән йәшәй һәм эшләй районыбыҙҙың уңған юл төҙөүселәре.

Читайте нас:

Адресы: 453030, Архангельский район, с. Архангельское, ул. Советская, 18

Телефондар:

Баш мөхәррир: 83477421457

Реклама хеҙмәте: 8-347-74 (2-18-66)

Редакция: 8-34774 (2-12-87)

Кадрҙар бүлеге: 8-34774 (2-18-44)

Электрон почта: [email protected]