Аҙ килемле ғаиләләргә яңы түләүҙәр билдәләнә

Быға тиклем Рәсәйҙә ете йәшкә тиклемге балалары булған аҙ килемле ғаиләләргә дәүләт тарафынан айлыҡ түләүҙәр булдырылғайны.  Президент Владимир Путин 8 йәштән 16 йәшкә тиклемге балаларға лә дәүләт ярҙам итәсәк, тип белдерҙе.

Сара 1 апрелдән индереләсәк һәм 8 - 16 йәшлек балалары булған бөтә аҙ килемле ғаиләләр майҙа дәүләт түләүҙәрен ала башлаясаҡ. Был турала Владимир Путин 8 март менән видеоҡотлауында әйтте. Ул, ғаиләләрҙе яҡлау — дәүләт өсөн өҫтөнлөклө йүнәлеш, тип билдәләп үтте.

Рәсәй Федерацияһының Финанстар министры Антон Силуанов белдереүенсә, был түләүҙәр өсөн ҡаҙнанан 455 миллиард һум аҡса бүленәсәк.

Фото — асыҡ сығанаҡтарҙан.